همدان حاديثه لرينه موناسيبتينه
گونئي آذربايجان ميللي بيرليک شوراسي-نين بياناتي
(يازينين سونوندا ميللي شورانين تشکيلات سيستئمي تانيتيليب)
آذربايجانين همدان (اوخباتان)
ويلايتينده سون گونلر باش وئرنلر بير ياندان ميللي حرکتيميزين
ديرچه ليشين گؤستريرکن بير طرفدن ده غدار فارس شووينيزمي نين
قيلينجي نين ايتيلديگي نين گؤستريجيسي اولموشدور.
شوبهه يوخدور کي، او ويلايتين باهار شهري نين ميلت وئکيلي، فوريه آيينداکي بياناتيندا بؤلگه ده آذربايجان تورکلري نين ميللي هاقلاريندان دانيشارکن تئهران داها بئتر تيترتمه يه دوشموشدور. همداندا موئلليم سويداشلاريميزين هاقلي ايستکلريني آسدي- کسدي و قمه غداره ايله قارشيلييان رئژيم اصلینده چارسيز دورومدا اولدوگونداندير کي، شريف اؤغرتمنلريميزين قوللاريني زنجيرله ميشدير. فروردين آيي نين ۱۸-اينده همدان اؤيرتمن اوجاغيندا گئچيريلن ايجلاسا هوجوم ائده رک ۴۵ نفري ياخالييان پليس گوجلري، اورادا اولمويانلارين ائولرينه هوجوم ائده رک قانداللاماسي قطعيتله شووينيزمين کيريخديغندان خبر وئرمکده دير. آياغا قالخميش ميلتيميز، بئلي بوکولموش فاشيزمه بير داها ديرچلمه ايمکاني وئرمييه جکدير. بيز “گونئي آذربايجان ميللي بيرليک شوراسي” آذربايجان-يميزدا گئدن بوتون عدالتلي موباريزه لري دئستکليه رک اؤزلليکله همدان موعلليملري نين سون قالخيشيني آلقيشلايير و بو حرکتي بوتون ميلتيميزه تبريک دئييريک. بو موباريزه نين يانيندا اولدوغوموزو ائلان ائده رک بوتون ايمکانلاريميزلا اونون گوجلنمه سينه چاليشاجاغيميزي بيان ائديريک. گونئي آذربايجان ميللي بيرليک شوراسي بو گونه قدر ميللي آزادليق و يئنيلشمه يولوندا جانلاريندان کئچن بوتون موعليملرين-او جومله دن دئهقانيلرين، سادتيلرين، نابديللرين،…زئهتابيلرين، خاطيره لريني عزيز توتور، موعليملريميزين تاريخ بويو ميللي هرکاتيميزا ائتديگي عوضسيز خيدمتلري دايم احتيراملا خاطيرلايير. بوتون شهيد موعليملريميزين روحو قارشيسيندا باش اَيه رک، آذربايجان ميللي هرکاتي نين اوخباتان شاخه سي نين ۶ ايل اؤنجه ميلت يولوندا وئرديگي شهيدي حؤرمتله ياد ائده رک بوتون فاللاريميزدان ايصرارلا ايسته ييريک کي، بو بؤلگه ده کي ديرچه ليشه اللريندن گلن دستگي وئرسينلر، يارديمي ائتسينلر. رحمتليک علي بي کمالي نين ۲۰ ايل اؤنجه او بؤلگه ده تک باشينا باشلاتديغي ميللي فعاليتي ياد ائده رک بوگون ساوه، قوم و همدانداکي موثبت نتيجه لريني خاطيرلاتماق ايسته ييريک. اؤغرتمنلريميزين ميللي تفککورلولري نين هر بيريسي نين اولدوغو مکتب و يا سينيفده بير گنجين اويانماسيني تمين ائتمه سي “گله جک بيزيمدير” شوعاري نين تئتبيق ائتمه سي دئمکدير. “ميللي شورا” آذربايجانين تاريخي توپراقلارينداکي ديرچه ليش فعاليتلرينه داها چوخ اؤنم وئره رک “تئهران-ين باشيني تئهران-دا قاتماق” سيياستيني يئريدير. بوتون بونلاري نظرده آلاراق او بؤلگه لرده کي سويداشلاريميزين موتشککيل اولماسي، ميللي حدفلريميزه آپاران يولون ييخيلماز کؤپروسو ساييلير. اونا گؤره دير کي، بيز اساس فعاليتيميزي گونئيه يؤنلده رک تاريخي توپراقلاريميزدا ياشايان سويداشلاريميزين هاميسيني بير چاتي آلتيندا توپلاماغا جان آتيريق. بو سيياستله باغلي “ميللي شورا” نيظامنامه سي نين بعضي بندلرين آشاغيدا تقديم ائده رک تاريخي توپراقلاريميزدا گؤنوللولريميزين سيستئملي فعاليتي باشلاتماسيني ضروري گؤروروک. اوميد ائديريک کي، بوتون بؤلگه لرده او جومله دن همداندا ميللي فعاللاريميز اهالي نين ايچينه گيره رک بو هسساس گونلرده اوغرتمنلريميزين ايستکلريني دستکله مکله بيرليکده موتشککيل و سيستئماتيک چاليشمالاري باشلاداجاقلار. گونئي آذربايجان ميللي بيرليک شوراسي حبس اولونموش موعليملرين درهال و قئيد-شرطسيز آزاد اولونماسيني، ايشلرينه برپا ائديلمه لريني طلب ائدير. گونئي آذربايجان ميللي بيرليک شوراسي ۱۴/۰۴/۲۰۰۷ ميللي شورانين گونئي آذربايجان اينزيباتي اراضيسينده تشکيلات سيستئمي بو سيستئم نيسبي اولاراق خاريجده ده اويقولانا بيلر ايالتلر : بوتون ايالتلرده ميللي شورانين باشقانليق ديواني نين بير نوماينده سي ايشلرين گئديشاتيني کونترول ائدر. بو نوماينده تشکيلات آراسي کوورديناتورلوغو يئرينه يئتيرر. بوتون عيالتلرده ايجرا کوميته لري ده فعاليت گؤسترير. ويلايتلر : بوتون ويلايتلرده ايجرا کوميته لري فعاليت گؤسترير . بؤلگه لر : بوتون بؤلگه لرده آنجاق تبليغات، تشکيلات و عومومي علاقه لر کوميته سي فعاليت گؤسترير. بوجاقلار : بوتون بوجاقلاردا آنجاق داياق نؤقته لري فعاليت گؤسترير. عالي مجليس: زاماني گلينجه گونئي آذربايجانين تاريخي تورپاقلارينداکي عيالت و ويلايتلردن سئچيله جکدير. يوخاريدا قئيد ائديلن عالي مجليس اينديکي شرايتده کؤنوللولرين بير آرايا توپلاشيب اؤز آرالاريندا سئچگيسي ايله مهدودلاشار. آنجاق بو مجليس گله جکده و اؤزلليکله آني ايمکانلار ياراناندا واخت ايتيرمه دن اؤز ايشينه باشلايار. ميللي شورانين عوضو ساييسيندان آسيلي اولماياراق، بوتون اينزيباتي اراضيلرده ياشييان هر ۱۰۰ مين نفره بير نوماينده نظرده توتولور. بوجاقلاردا بو ساي تمين ائديلمزسه، منسوب اولدوغو بؤلگه ايله، بؤلگه لرده تمين ائديلمزسه، منسوب اولدوغو ويلايت ايله بيرلشه رک سئچگيلره گئديلير. گونئي آذربايجان ايالتلريندن نوماينده ساييسي :
|